//అమ్మ మనసు// పేదరికమెప్పుడూ అమ్మతనాన్ని అంటదేమో.. తనువు నలుగుతున్నా .. తనేమైపోతున్నా కడుపు తీపి ఆకలి కోసమో, గుప్పెడు రూకల కోసమో అంగట్లో మానాన్ని రోజోకో మారు కుదవ పెట్టి కన్న మమకారం కనుమూయనీయక చీకటి జీవితం లో చిరుగుల మాటున ఆణువణువూ చిత్రవధనుభవిస్తున్న బిడ్డ జన్మ కారకుడెవరో తెలియకున్నా అన్నీ తానై కన్న బిడ్డకు తానే ఓ ప్రపంచమై వెలుగుతున్న కొవ్వొత్తిలా కరిగిపోతుంటుంది... తనలో ఒక భాగమేగా తన బిడ్డంటే... మనసంత కన్న బిడ్డ చుట్టూనే ... తన బిడ్డ తనకు బంగారమే..